کتاب: رباعیلرنینگ فیسیلتی سی 2
رباعیلرنینگ فیسیلتی سی «2» ایکّینچی کتاب
هر رباعی بیر فلسفه بیلن!
1
اۉیلمه سن اوزون دېب، قیسقه بۉلگن عمرینگنی
نېردن کېلیب کېته میز؟ بیلسنگ سن اثرینگنی
جوانلی سرخوشیده، اوزون بو دېب اۉیله مه!
عزرائیل له بیله سن، بو قیسقه بو سِرینگنی
2
بو قیسقه بو سِرینگ له، کبر کویلکنی کییمه
دنیاگه ستون من دېب، بیلمه ی سن ېیم نی ېیمه
آیاق تگی توپراقلر، بیر کون من سن اېدی
بیر کون توپراق بۉله میز، بیلمسنگ عقلینگ قییمه
3
قیسقه بۉلگن عمرنینگ سِری نی توپراقدن بیل
شاه و گدا برابر، بو حققه اۉزینگنی ایل
قیسقه بیر اۉیین اېکن، حیات دېگن بو دوران
تېنگری نینگ اۉیین چاغی، بلیب تۉغری یۉلگه کېل
4
نیمه دېیسن ایتکین سن، مېن مېن دېگن بو شانگه
قارانغیدن پارلتسم، آیدین فکرنی خانگه
عبادت قرشی لیگی جنتلی بۉلسم اگر
بخشش یا تجارت می؟ بیلدیرگین سن بو جانگه
5
زورگه بوکیب باشیم نی، عبادتگه بېرگن سن
سجده گه امر قیلیب، اوستگه قاعده تیرگن سن
زور له گۉزلی بۉلمس ایچیمدن او کېلمسه
بو مېنی مېنگه قۉیمه ی، زور تامانگه قیرگن سن
6
زورگه عبادت قیلیب، جنتلی بۉلسم نې دیر؟
تجارت منطقی له بو یۉلگه کولسم نې دیر؟
آل گلیم بېر گلیم له اۉزیم نی مومن دېسم
ایچیمدن دوست بۉلمسم بو دیندن تولسم نې دیر؟
7
عشق و شراب دېمگین، گناه یانگه کېله سن
بو منطققه قره سنگ، آنگدن عقل تیله سن
عشق و شراب بۉلمسه جنتده یوز قالرمی؟
یوزسیز بۉلگن جنتگه، باریب نیمه قیله سن؟َ
8
یار یوزی نی شراب بیلن یره تینگ
زاهدلیکدن غلام قیلیب سیره تینگ
اېندی باقمه ایچمه دېسن شرابنی
محروم قیلیب بو اۉیینگه قره تینگ
9
یارگه دلیم نی بېریب شراب ایچکن
زاهدلیکدن چیقیب قوُللیک نی سیچکن
بو حالیم نی گناهکاردېب ایته سن
سن یره تینگ بو حالیم نی سن بیچکن
10
قدح و شراب نی یره تینگ عشق اوچون
گل نی کۉرستیب قره تینگ عشق اوچون
ایچمه دېسن گناهکار سن گناهکار
بو سِر نېدیر؟ سن سیره تینگ عشق اوچون
11
یېر یوزی نی گلباغچه قیلیب تورسنگ
اوندن گۉزل بیر انسان نی خوش کۉرسنگ
یوز انسانگه طعام بېرگندن کۉره
بیر انسان نی تۉغری مسلککه سورسنگ
12
انسانینگ پیشگنلیگی بېللی دیر قیگن ایشدن
تاپکنیم یېترلی دېب دردسیز بۉگن قیشدن
نفسیگه توتساق بۉلیب کۉزدن تۉیمسلیک کېلسه
تقدیری قدر بیچر قوریدی اۉز کیشدن
13
یۉقلیککه سن یقین قیلدینگ باقمه دن
درددن باشقه بیر تاقی نی تاقمه دن
نې دردلی دیر تېنگریم دوستینگگه قیلدینگ
دوست دېگن من دوستینگگه کۉز آقمه دن
14
کۉنگیل! بیر توش اگر دنیانینگ ایچی
بوشگه بېرگین بۉلمسین یامان کېچی
خوش کۉر قدر نی اېله مستلیک اۉزگه
جانگه کیرمسین قدر اوچی قیچی
15
کون نی بیلمه ی یېرگه عقلدن آتمه
کولمه دی عمریم دېیه فریاد قاتمه
اۉتکن بوکون یرته نینگ آینه سی او
درسینگ نی آلالمه سنگ کون نی ساتمه
16
کیملر کېلیب نېلر ایسته دی بیلسنگ
سۉنگی، نې بۉلدی؟ بیلیب عقل ایلسنگ
تۉیمس انسان بیر ایکّی دېب باشله دی
اجل نی کۉرمه ی اۉُلدی فکر قیلسنگ
17
یېر و کۉک و یولدوز دېمه بوش او بوش
بوش بېر، کۉنگیل نی خوش توتکین بۉلسین خوش
شو تورمگن چرخ فلک ایچنده
بیر نفسدن باشقه هر شی توش او توش
18
ایچیم جنگ میدانی دیر، اۉزیم له اۉزیم اور ده
یانگلیشلریم له اۉزیم، بو جنگ بیلن او تور ده
سن بخشی له سنگ مېنی، مېنده او کۉچ قاگن یۉق
بیر شانس یشم ایچیدن، یانگلیشلریم له قور ده
19
آل گلم و بیر گلم، سۉنگ عمرگچه بو دین
تاپه ی تۉپله ی دېگن دین، عجایب دیر بو آیین
دنیا ستونی من دېب، چرخ فلک کۉرمه یدی
کۉرمه ی سفر قیله دی عجایب دیر بو اۉیین
20
تۉغری یۉلگه کېتسنگ سن، چاره سیزبۉلیب قالمه
اۉزلیگینگدن چیقمه سن، سرسری یۉلگه تالمه
چاره سیزلیککه چاره، اۉز ایچینگدن کېلر او
اۉز بۉلگنینگدن چیقیب، باشقه گه آنگنی سالمه
21
سۉنگ نفسگه حاضر بۉل، حاضر بۉلیب یشه
شاه شه شه لی بو احوال گاه تراژدی قصه
عمرنینگ دولابیده بیلیلمه گن سِرلر بار
هر لحظه باشلنغیچ دېب، سۉنگ نفسگه یره
22
بیر کون کېلدی ینه کېچتی عمر دن
اېسدی هوا یخشی یامان بو سِر دن
من بیلمه دیم حق اېدیم یا ناقصه؟
گاه ییغله دیم گاه من کولدیم قدر دن
23
درد ایچیده سېوینج نی تاپیب یشه
حقسیز نظم، حقلی می؟ بیلسه ی قصه
سۉنگی قنده ی بۉله دی دېب اۉیله مه
حق یۉلیگه اۉزنی بېریب سن یره
24
انسانچه یشه ماققه، ینگی یۉللر کېره ک دیر
آچماق اوچون یۉللرنی، کۉچلی قۉللر کېره ک دیر
اونده ی بۉلسه قۉیبیرگین اېسکی ساز و سرودنی
عقل و آنگدن باشلهتیب سا و سوللر کېره ک دیر
25
بیر کتاب اېدی گینجلیک، اۉقیدیم صحفه صحفه
سۉنگی نی باشگه آلمه ی، یازدیم من اوندن قصه
عمرنی هیچگه ساتیب قیش بهار نی بیلمه دیم
بهارنینگ موسمیده، سیقدیم کۉرمه ی هر یققه
26
هر کون بیر کشی چیقیب، ایته دی کۉچ مونده ی دېب
ثروتی نی کۉرستیب، کۉرینگلر کۉچ شونده ی دېب
ایشلر توزلیب کېلیب، باش گوشه گه کیرگینچه
اجل بوغازدن آلر، اورر بو کۉچ بونده ی دېب
27
ایکّی اېشیکلی بو خان، آتی بو جانگه جانان
تۉغری سی نی تاپسنگ سن، او دیر گۉزل بیر جهان
اۉیله مه دن یوریسنگ، اېشیکنی بیلمه ی اورسنگ
بلکه قرشینگگه چیقر، کیر دېب سېنگه گورستان
28
ایکّی اېشیکلی دنیاگه دقت اېت
عقل گه رهبر بۉلیب آنگینگدن بیت
بیر شانسینگ بار بیر یشه سنگ دنیاده
یانگلیش اېشیکدن اۉتمه ی فکرگه کېت
29
شهرت تاپه ی دېب عقلگه قوُل بۉلمه
رهبر بۉلالمه سنگ عقلدن تولمه
هم دوست هم دشمن دیر بیلگین عقل
آزاد قۉییب باشقه لردن سن کولمه
30
هر کیم عقللی من دېب اوندن آتّر
گاه بیلیب گاه بیلمه ی اۉزی نی ساتّر
عقلگه رهبر بۉلمه ی اونگله بۉلسنگ
باشقه لر پیسلیکلرنی اونگه قاتّر
31
بویوک زندان بو دنیاده عقل دیر
اېگه صاحب چیقالمسه کاهل دیر
هر کیم پیسلیگی نی آتیب اېگه نی
اورده توتیب، قیلگنی اونگه گل دیر
32
بوکون یشه که ایرته اۉزگه خاص دیر
هر کون اۉز یۉلیده اساس دیر
قدح کوتر باده ایچگین بوش بېریب نیچه لحظه
کېلدیک قیرگه کېته میز؟ عقل اوندن افلاس دیر
33
امید نی کله بیک قیل، قناتی بیلن اۉچ
حیات زهری اوچون، قیزیلدن شربت ایچ
سعادت نینگ قرشی سی، قانون قیلیب بېریلگن
عقل و ذکانی قۉللنیب، سعادت کویلکنی بیچ
34
مال و مللکه بېرسنگ اۉزنی، کون یوزینی کۉرمی سن
مینگ بیردرد اینر سېنگه، ساغ بۉلیب سن تورمی سن
قوُل قیل اۉزگه ملکینگ نی، حر یۉلینگگه آدیم آت
ارزشدن کۉپراق بېرسنگ، حر بۉلیب سن یورمی سن
35
نې بېردی جانیم سېنگه، بو دنیا درددن باشقه؟
بیر کون اوچه سن تندن، بو یشمدن حققه
بیر ایکّی اۉزینگ اوچون، بیر ایکّی قدح نی کوتر
نیچه لحظه بوش بېریب، اوچکین سن ایری یقه
36
عالم بۉلیب قرصک اوردیم اۉزیمگه
بیلدیم من دېب تسلیم بۉلدیم سۉزیمگه
بیر قره دیم جاهل سووده یوزگن من
عمریم اۉتکن ماضی رخم کۉزیمگه
37
اۉیله مه که بویوک او، بو دنیا سېنینگ اوچین
فکرینگ قنچه که بۉلسه، حقیقی دنیانگ او چین
دنیانینگ کتّه لیگی، هر انسانینگ عقلیچه
بیله من دېب یورومه، بیلگنینگ ایکسی چیمچین
38
بولوت کېلیب یشیلیککه اېله یدی
او هوادن بلبل گل نی تیله یدی
بوکون بار دیر باشقه نینگ یشیلیگی
یرته بیزلر یشیلیک، کوزلر یاش نی سیله یدی
39
گل یوزیگه اېسکن هوا، هر پیت خوش دیر
بلبل او هواده، مست و سرخوش دیر
کېچسه قۉلدن کونینگ، بیلمه سنگ بۉلسه قان
او پیت اۉتکن هر کونینگ، عقل اوچیدن بوش دیر
40
اې دل! آدیمینگنی یېرگه باسسنگ سن
توپراق دېب اۉیلی سن، سِری نی بیلمه دن
کېچمیش ده کی جوهرلر، بوکونینگ ذره خاکی
کېله جگنینگ آینه سی، اگر بیلسه ی سن و من
41
اېسکیلر اېسکیده ینگی، ینگیلر بوکون اوچون
کېلگنلر کېچتی دنیادن، ینگی ینگی هرکون
اېسکرگن دنیا دلیدن، چیقمه دی وفا مېنگه
گل و کله بیک عمردن، بۉله میز بیر کون سۉن
42
نه مال قالّر نه بیر جان، بو دنیا دولابیده
یخشی اسمدن باشقه، قالمه یدی آبیده
آقه دی سوو مثالی، نام نیکدن باشقه سی
قیسقه بیر عمر اېکن، بیلسنگ سیمابیده
43
افسوسکه اۉتتی جوانلی، بهارسیز قیش بۉلیب
او تازه بهار، نیچه لحظه نی یولیب
جاهلیگیمدن بیلمه دیم، کېلدی اۉتتی عمر
شاهین هوسلی، جوانلیگمگه کولیب
44
هرکیم عقل ایچیدن، خدادن ایته دی
قرآن نی اۉقیمه ی او، عقلدن او بیته دی
هر عقلده خدا بار، او عقل یره تکن دیر
اینجه او سِرنی بیلمه ی، توتساق بۉلیب کېته دی
45
امید و هوس، فقیر اوچون ثروت او
بېچاره فقیرگه، بۉلمه گن برکت او
ثروت قۉلینگگه کېلسه، ېیگین پایله شیب اونی
پایله شماق نی بیلمه سنگ، او بیر مصیبت او
46
بو چرخ فلککه، کیمسه خان بۉله مس
اۉز ایستگی بیلن، شاه و سلطان بۉله مس
ېیدی یېر تۉیمه دی، بوکونگچه انسان نی
گلسیز باغچه ده، گل ریحان بۉله مس
47
توپراق نی سووگه قۉشیب، تیپیدی کوزه بۉلگین
رحم قیلمه ی تیپیدی تیپکیدن تولگین
ایتتی توپراق من اېدیم، هر تنگه دوا
ایرته سن من بۉله سن ایسترسنگ کولگین
48
خوشلی و غم انسانینگ بایلیگی
اصیل و پست کیمیاسی نینگ یایلیگی
ظرفگه توکسنگ سوونی اونینگ شکلی نی آلّر
انسان بو دیر بو حیاتنینگ آیلیگی
49
باردیم بازارگه آلدیم کوزه نی ساتیب
کۉردیم که مشت و تیاقدن تۉییگن باتیب
ایتی کېچمیشده زر و سلطان اېدیم
اېندی کوزه من هر قۉلگه خدمت قاتیب
50
قویاش ایندی یېر یوزیگه، آقلیگیدن زرنی سیپتی
بلبل اونینگ آق یوزیدن، گل یوزیگه کوزنی قیپتی
زمین عاشق آی یوزیگه، شعرلر ایتر آی کۉزیگه
رباعی لهب آیی اوچون، سیه لیک نی اېپ او تیپتی
51
وقتنی هرلافگه که بېرسنگ، آغیر یینگیل می دېب قره
انسانگه که ارزش بېرسنگ، قیلگن ایشی، نې دېب قره
بو یشمنینگ آماچی بار،بیلمه ی یورسنگ هرکونینگ تار
یینگیل بۉلگن لاف و ایشنی، بو بیر ضررلی دېب قره
52
اې یشم! (حیات) بو جان و جهانیم همه سن
سن جان و جانانیم، بو شانیم همه سن
بارلیگیمنینگ سببی سن، قۉلینگده یالغیز قوُلینگ
رحم اېله گین جانیمگه، جانگه جانانیم همه سن
52
هدف اوچون توشسه یۉلگه بیر کیشی
اۉزی بۉلیب بارسه مظفر ایشی
یۉلچی مثال که کارواندن اوزاغ
اۉزسیز بۉلسه، پیشمه یدی خام قیشی
53
هر جانکه آیدین فکر، بۉلر قویاش
اۉزدن اۉتمه گن اۉزی، بۉلر او باش
بیر ذره خیال اۉزسیز اونگه کېلسه
پیشمه یدی خام بۉلگن آونگه خام آش
54
گورستاندن اۉتیدیم اېشیتیم راز
ایتیدی کله توپراققه بیر مهم راز
قیمتسیز دیر بو دنیا بیلسنگ توپراق
حقیقت بو حقیقت بو قلم راز
55
گورستاندن اۉتیدیم کۉردیم بیر سِر
بېریلگن بای فقیرگه بیر تورلی یېر
کفن سیز اېمس فقیر نه بای ملکدار
عاقیبتنی کۉردیم، کۉردیم بو دور
56
بو غفلتدن ایتکین دل، قۉلینگده نې بار؟
توشکن سن شیطان نفسگه یا که او یار؟
دېیرلی قیمتلر نی اۉزدن تاپکین
تنیمه سنگ اۉزینگنی هرکونینگ تار
57
خداگه داد بو دلدن داد بو دلدن
بۉلمه دیم هیچ بیر زمان شاد بو دلدن
فریادیم چیقدی کۉککه آسمانگه
نې اېله ی؟ چاره سیزمن باد بو دلدن
58
چنگ توپراق کاروان نی کۉرسه تیر
چیله کشلی بو جهان نی کۉرسه تیر
تورمه ی کېتماق چاره سیزلیکدن بۉسه
رنج و غملر بو دوران نی کۉرسه تیر
59
عشق اۉزی طلسم، کۉچی دشمن نی ییقر
محبوبه نی رام قیلر، بۉلمسه حیات بیقر
عشق له کېتسنگ ایشینگگه، شانسی ظفر کېلتیرر
عشقسیز بۉلگن بیر حیات، بخت نی قاره گه تیقر
60
غیبت بۉلگن هر لافدن، بو گناه دن اۉته لیم
او شیطان بو من دېمه ی، عقل باشگه توته لیم
نه شیطان نه فرشته، انسان بۉلماق دیر هدف
انسان بۉلماق یۉلیگه، زهر نی ـ ده یوته لیم
61
یانیب سۉنمس یولدوزلر، عبادتینگدن عظیم
کائناتده بار بۉلگن، باش اېگیلیب تعظیم
تاغ و تاش آهاچلر، برچه مخلوق
قدرتینگ نینگ حکمی له، بیر بیر تنظیم
62
بو جلال سېندن دیر که، همه دولت گردینگده
بو جمال سېندن دیر که بو برکت گردینگده
علم و کمالر سېندن، سنسیز انسانده یۉل یۉق
جهان قویاشی سن سېن، همه شوکت گردینگده
63
بهار کېلیب کېچتی دشت و صحرادن
جوانلی بیر بهار دیر، اۉتتی سودادن
نه قالدی گل نرگس عمریمده
نه تۉکتی یاش نی ریحان نِدادن
64
هم کۉچلی دیر انسان، هم ضعیف ناتوان
گاه دنیاگه حاکم دیر، گاه بیر قلب له پریشان
گاه تیتره تیب جهان نی، غرور له حکم سورر
گاه قلبنینگ قرشی سیگه، بۉیین اینگن سرگردان
65
کبر غروریم بیلن، من انسان اینیلمه دیم
بو فکرده اېدیم من، عقل باشگه ایلمه دیم
حکملی من اېگه، باقمه دیم لیکن قلبگه
بیر یومروق قدر قلبگه، اینیلدیم من بیلمه دیم
66
دنیاگه حُکم سالگن، بو حاکم انسان او
کبر غروری بیلن، عجیب بیر داستان او
عشق کۉچی دیر انسان، قلبگه تسلیم دیر او
دنیاگه بیوروق بېرگن، بیر قلب له سرگردان او
67
سۉنگ لحظه گچه حیات، هر لحظه نفس ایلر
یخشی یشه ماق لیکنی، هر لحظه فس فس قیلر
حیات قناتی سینسه، امیدی قۉلدن کېتسه
بو محتشم جهان نی یالغیز بیر قفس بیلر
68
گرچک بۉلمسه بیر عشق، توتقیسی کېلمس
آتشی آلاولنسه، قوقوسی ایلمس
کون و کېچه یانسه آی، ینه او یانسین
قویاشی آیدینسیز دیر، یاقتی او قیلمس
69
قاردن آققن سوو کبی، چۉلده اېسکن یېل کبی
عمریم آقدی هر کونده، سۉزسیز بۉلگن تیل کبی
مېن مېن بۉلگینچه عمریم، اېسدی باشیمدن اۉتدی
هر کون که اېسدی او کون، سۉنگی کېلدی سیل کبی
70
آی و یولدوز هر زمان، کۉک یوزیده تورگنلر
عشق له اگر قره سنگ، اولر خوشلی سورگنلر
بیر قدح کوتر عشق اوچون، زاهد من دېب سن ایچکین
عشقسیز یشمینگ بۉلسه، قسمتگه بد اورگنلر
71
اېندی غم ېیمه گین سن، یوره ک غمدن تۉق دېیب
فقیرلیگیم یوک بۉلیب، جانگه تیگکن اوق دېیب
قدح تولدیرگین اۉیله مه ی، کیم نیمه بیلن کېتکن؟
توپراققه فرقی یۉق دیر بای و غریب یۉق دېیب
72
غم ېیمه گین اېندی سن، باریم بارمی یۉق دېیب
ایکّی کونلیک یشم نی، بیر گلزار می یۉق دېیب
آلگین قۉلگه مینا نی، بو یشمگه بیر سِر دېب
ذاتا اۉته دی یشم(حیات) بو بیر یار می یۉق دېیب
73
قدح کوتر ایچکین می نی، غم ېیمه که اۉته دی
بودنیا بیر ظالم دیر، رحم قیلمه ی تورته دی
وفا اگر بۉلسیدی بیری لر ستون اېدی
قۉیمه یدی او قره مه ی، بیر کون عمر بیته دی
74
اې دوست کېلگین قدح کوتریب ایچه لیم
نیچه لحظه خوشلیککه بیز کېچه لیم
عمر که بیر کونلی دیر، یرته میز یۉق
اۉتکن کونیمیز اۉتکن، بوکون کیفدن بیچه لیم
75
دل ېیمه اېسکرگن دنیادن غم نی
کۉرستمه کیمسه گه آققن کۉز نم نی
کېتیلر کېلگنلر بوکونلر اۉتر
قدح کوترگین بیلگین هر لحظه دم نی
76
سنسیز و منسیز عمر اۉتتی اۉتر
بیز غفلتده، اۉز یۉلی نی توتر
بیر قدح کوتر کېله جک غمنی ېیمه
معمالی بو شهرده قدح نی کوتر
77
بۉلسه ی بۉلمسه ی ینه دنیا بۉلر
بیزسیز آی و قویاش ینه کۉکدن کولر
نېردن کېلیب کېته میز معمالی شر
قدح کوتر که تقدیر قره مه ی یولر
78
سِرلی دنیاگه آتکن، مېنی اۉزدن تنی دېب
رویا می یا چین حیات؟ بیلگنلرینگ قنی دېب
گاه ییغله دیم بوش بېردیم قدح کوتریب بو سِرگه
اۉزنی نېردن تنیدیم، تنیسم من یعنی دېب؟
79
بو عمر سۉنگه بارر، یا بهار یا قیش کبی
قدح کوتر اویقیده سن، زهرلی بیر نیش کبی
سِر نیمه، رویاده می یا زنده تنده انسان؟
لحظه ده اېسدن چیقر عقلسیز تۉرت بیش کبی
80
بلبل مثالی باردی دل یکه گلستانگه
گللردن لب نی کۉردی رخلری خندانگه
بیلدی که اۉتکن عمر باده سیز بۉلگن دل
ییغله دی حیا قیلیب اینیلدی او گریانگه
81
من و سندن اول بار بۉلگن بو دنیا
کۉز یاشیگه قره مه ی جان یولگن بو دنیا
بیر نیچه لحظه بوش بېر، قدح کوتریب دنیانی
اۉز قاعده قانونیدن اېپ کولگن بو دنیا
82
بو زمانه دیر اې دل، غم بیلن او بېله یدی
تنینگدن جان پاکینگ، غمسیز حیات تیله یدی
قدح کوتر نیچه لحظه، کېچیکن دېب سن کېچیر
بو ـ ده کېچر دېب زمان، بۉلمسه غم اېله یدی
83
مېن کبی عاشق اېکن، باده گه قۉل ده کی جام
بغریگه آلگن اېکن، قیزیل باده نی مدام
جام مثالی عاشق من بغریمگه کېلسه حضور
تېنگری اېگه سی اېکن، بېرمسه بۉلمیکن رام
84
ایسته سنگ ایسته مسنگ اۉزگره سن زمان له
گینچلیگینگ یواش یواش کېچه دی بو دوران له
قدح کوتریب باده ایچ بیر لحظه بوشگه سورگین
قۉلینگده اېمس حیات، اۉته دی اۉزی شان له
85
بکون نی یشه که سن، یرته لر قۉلده اېمس
بیهوده یرته دېگن، تۉغری بیر یۉلده اېمس
قدح کوتر بوکون اوچون، هر یرته نینگ کونی بار
بوکوندن درس آلمسنگ، سا یا سولده اېمس
86
بو خانده که قۉلگه جام آلیلسه
بهار اېسه دی جامدن مستلی یېل سازنی چالسه
قۉلگه اېمس عاقیبت اگر بیلسه ی گرچکنی
بوشلیککه سور حیات نی، نشه سیز هوا تالسه
87
قدح کوتر ایچگین باده، یشمنینگ گلی شو دیر
بیلیلمگن حیاتده بیر نیچه لحظه او دیر
هوشلی بۉلیب اۉره شدیم، بیلالمه دیم سِرلرنی
بو سِرلی بو حیاتده، چاره بۉلگن بو دیر
88
باده اگر خوشلیککه جان بېریچی
ایچ گین که ویران دیر حیات نینگ ایچی
بیر ویرانگه توشکن بیز مثل کابوس
حق قیسی کابوس قیسی سِر اوچی
89
کېگین دل ایسته گیگه ناز قیلمه گل
چوزیلسین نور جمال بیلن مشکل
بیر قدح کوتر ایچیرگین که مست بۉله ی
ویران بۉگن حیاتدن قوتیلسین دل
90
بو عشق هنری دیر دل غزل سیره یدی
روح نی غزلگه بېریب، عشقنی تېرین اره یدی
پیاله شرابلریم ایکّی فتان کۉزلرینگ
قدح کوتر که مست بۉله ی عشققه گۉزل یره یدی
91
کون و کېچه نالان، عشقیم نی تاپه ی دېیب
کۉز یاشلر دامله دامله، عشقدن عشق یاپه ی دېیب
مېن اونگه دل بېرگن من، لېکن او اۉز عشقی له
دلیم که سرگردان دیر، عشقیم گه چاپه ی دېیب
92
او پیتکه کۉزگه قرهب، سِری نی اوندن بیلدیم
درس آلدیم کۉزلریدن، هنری گه ایلیلدیم
مثل سِحرلی بیر داش، هر قره شده هنر باش
آینه ایدیم سیندیم من، سینیب باشیم نی ایلدیم
93
سَحر روحی ناز قیلیب گل نی آچسنگ
ینگی غزل نی عشق یۉلیگه ساچسنگ
مېن که بخت نی زلفلرینگگه باغله گن
قوش بۉلیب کۉنگیلینگگه آلیب قاچسنگ
94
سنسیزلیک کېچه لر، سۉنگسیزلیککه قیشله گن
هر لحظه اوزون بۉلگن، یامان بختدن تیشله گن
بو رویا می یا گرچک، تعبیری قنده ی بۉلر؟
قویاش کۉک یوزیده ـ ده، قاره قدر ایشله گن
95
کېلمه دی بیر آیدینلی، بۉلمه دیم من آق یوزلی
امیدسیز قارانغیده، کېلمه دی گۉزل سۉزلی
کۉرگین که نیمه قیلدی مېنگه سېنگه قارانغی
جدالی نینگ حکمی دیر، عجیب دیر بۉلگن اۉزلی
96
قارانغی بۉلدی حیات، محبتسیز قلبینگدن
نه وفا کېلدی سېندن، نه گۉزل سۉز لبینگدن
نه کېچه م کېچه بۉلگن، نه کندوزیم یخشی کون
بو قاره بختگه توشدیم، قارانغی طلبینگدن
97
یشیل کۉزینگ خنجر نی قلبیمگه اوردی
سالقوم سالقوم زلفلرینگ عشققه سوردی
حاجت اېمس تیغ اورسنگ گۉزللی یېتر
قاش و کیپریک میدانده، قوُلیککه کۉردی
98
بیلمه دیم که بو دل کیمگه دېوانه؟
نېگه آواره بو، نېگه بې لانه؟
منسیز مست و شیدا اۉز یۉلیده حر
قیسی نرگسگه توتساق بو دل ویرانه؟
99
رویا کۉردیم قۉلده شاخه گل اېدی
من بلبل سن گل تاتلی بیر یېل اېدی
اویغاندیم باقدیم قوقینگ له زیبا گل
آق قۉلی قۉلیمده او گلی سنبل اېدی
100
زلفلرینگنینگ قوقوسی، بوی عنبر نی ساچر
لبینگ قند و شگر دیر، دل تامانینگگه قاچر
بیر بوسه لی محبت زنده توتر اۉلی نی
هجرانسیز ایکّی لی قوش، عشقدن عشق گلی آچر
101
بیر عمر اۉره لدیم ایچگه تکرار تکرار
بیرگوشه ایچیمده اۉزگه نگار نگار
او پیت که سېنی کۉردیم مېن مېندن اۉتتم
قوُل بۉلیب جمالینگگه بۉلدیم گلزار گلزار
102
هرکیم که سېنی کۉردی، ینگیدن جوان بۉلدی
بو حُسن جمالینگدن، سنبل و ریحان بۉلدی
شمال که اېسدی کېلیب، اۉره لدی زلفلرینگگه
قوقونی که قوقله دی، مست بۉلیب توفان بۉلدی
103
اېندی که خیالده او، کېلمسه بهتر
خیاللر له اوچیلسه، بیلمسه بهتر
قنات سینگن قوشلردن درس کېلر عالی
بیلمسه کۉز یاشیم نی، سیلمسه بهتر
104
شیشه عطر مېنیم، بهاریمده هوام یۉق
یاریم سِحرلی تاش دیر، دردلریمگه دوام یۉق
نه کېلدی بۉلدی مېن له، نه قۉیبیردی حر بیله
سیندیرگن دیر او مېنی، سېسسیزلیکدن صدام یۉق
105
سېن اوزاق بو جان دلدن، خوش هوا قنده ی بۉلسین؟
ییغله یدی جان و دلیم، چاره سیز قنده ی کولسین؟
بو جان که جاناندن دیر، قوُل او جانانگه بو جان
کېلمسه او جانانی، خوشلیکدن قنده ی تولسین؟
106
اگر آلسه لر مېندن، دو دیده دو چشمان نی
یاقسه لر کول قیلیب، جانیم نی استخوان نی
مینگ بیر عذاب و ظلم، بو جانگه کېلسه اگر
اۉتسم اگر جانیمدن، ینه بېرمم جانان نی
107
من دل داده صاحبسیز یالغیز بیر جان
قارانغی بیر حیاتده، یانیمده یۉق جانان
ایلندی باش و عقل، توشدی بیابان چۉلگه
روزگاریم ظالم بۉلگن قوسگنیم یالغیز قان
108
یالغیزلیک باشگه اورگن، قان دیر بوتون بو جانیم
آه و ناله تیلیمده، یۉق دیر یانیمده خانیم
آی سیز بۉلگن کېچه لر، سَحرـ ده قویاشسیز دیر
ییغله یدی جان و دلیم، چوروگن استخوانیم
109
آشفته بۉلگن حالم، بو یامان دیر احوالیم
سینگن دیر دل و قنات، بو دیر قاره اقبالیم
جنونگه توشکن بو دېب، هر آغیزده بو لاف بار
عقلیمده خیالینگ بار، بو دیر مېنیم بو حالیم
110
زلفلرنینگ قوقوسیگه، مفتون بۉلدیم من گلیم
نورینگگه عاشق بۉلیب، مجنون بۉلدیم من گلیم
قالمه دی راحت مېنگه، قرارسیز قیلدی عشقینگ
توشونچه گه سوردی او، زبون بۉلدیم من گلیم
111
کېچه م سیه، من بۉلگن مثل توش من
نه گرچک من، من بۉلگن مثل قوش من
خیاللر له اوچکن من سېنینگ اوچون
چاره سیز من، من بۉلگن بیر بې هوش من
112
مېنیم باشیم بیلن، مېن سېن یۉلینگده
ییغلی من چاره سیز، قۉیگن چۉلینگده
یشیلسیز بیر چۉلگه، سوردینگ سېن مېنی
بیلر تېنگریم البت، من قوُل قۉلینگده
113
کۉرسه دل آی یوزینگنی، دل یانه دی او بهروز
کېچه کون دل غلام دیر، بیلگین که بو گۉزل سۉز
وصالینگ بۉلسه اگر، بیر بخت تعالی بیلن
برچه کون او زمان دیر، مېنگه بۉلر او نوروز
114
کۉردیم اۉچ درد نی من، بیردن او بیر بار
فقیرلیک و فقیرلیک و همده ظالم یار
فقیرلیک و فقیرلیک بیر باشقه درد
دردیم یاردن کېلگن، مېنیم مېنیم گرفتار
115
سېنی من بال دېدیم، لېکن زهر سن
گل بۉلمه ی تیکن بۉلدینگ، بۉلگن کدر سن
ایسته دیم مرهم نی من، زخم دلیمگه
توز سیپتینگ دل یره گه، بونده ی قدر سن
116
اوزاقده سن بو دل سنسیز قالگن
کېتکن گل سن غمینگدن دل تالگن
بو جانگه جان قانی سن ایکّی عالم
بۉلمه سنگ سنسیز اۉلیمگه باش سالگن
117
مدامیم دل قان دیر بۉلگن یراق
خزاندن توکیلگن دیر سریق یپراق
تورگن من عشق یۉلی دېب بیر خیالده
نه کېلدی بو خیالدن گۉزل بیر آق
118
عزیزلر! درد و غملر قیلدی ویران
آققن یاش هر لحظه دن او نمایان
بو درد و غم غربت هجر آتش
کېلمه دی یار مېنگه کۉز گریان
119
فلک سن نېگه مېنی، زارگه قۉیدینگ؟
بېرمه ی سن گل نار نی، جان نی سویدینگ
یشم نینگ سۉل ساسی، سېنگگه قوُللر
نېگه یامان بو یۉلگه، اۉزنی اویدینگ؟
120
نیشه من او لحظه مېن، سېنی کۉرسم
ایسکه سم بوی جان نی، کیف نی اورسم
جام و می بۉلگن جانانینگ، جان و جانینگ
جانیمگه جانانیم سن، جان نی سورسم
120
آغاچ گه باقسم من، گل سن کۉزیمده
آغاچ گل بۉلگن سن، نورینگ یوزیمده
هر یانیم سنسیزلیکده بۉلگن قیامت
غلام من بیلسنگ سن هر بیر سۉزیمده
121
گلستان دیر زمینینگ تاتلی سۉزلیم
غلام من ساچ و کۉزگه گۉزل یوزلیم
قدم آتسنگ بیتر گل و گلستان
یۉلینگگه من قوُلینگ من، گۉزل کۉزلیم
122
لبلرنینگ اۉیینلری، بال و زهر او
روحیم ینه راحتده، چونکه ایکّی جوهر او
می گه اۉخشه یدی بو لاف، اچّیق بیلن شیرین
بو یشم نینگ قاعده سی، اچّیق، شیرین گوهر او
123
قچان اېشیته سن فلک، بۉلگن آه و فغان نی
یاققن مېنی بیر آتش، درد و غم له بو جان نی
بیر عمر بو حیات، درد و غملر له اۉتتی
بو جانگه بېرمی سن می؟ علاج بۉلگن جانان نی
124
بویوک بیرم کېلدی، گل سیپه ی لی حیاتگه
نرگس ده کی شبنمدن، تات بېره ی لی نباتگه
قلبیم همه سن بۉلگن، روزگاریم خوش هواده
کېلسنگ بۉلسم من دامله، سوو بۉلیب قند تاتگه
125
سن گلدن باشقه یانگه، آوازسیز و ناساز من
بو آلاو آتش دل، عشقینگ بیلن گلزار من
پاکیزه دیر نمازیم، عشقینگگه توشکنلیک له
بو قوت عشق دیر، کفر یۉلینگه زار من
126
عشقده استاد قاره کۉزلی
درس بېرگن او، شیرین سۉزلی
مېنی مېندن آلیب آخر
عشق یۉلیگه بېرگن دوزلی
127
شوق و ذوق بو دلده بار کۉرالسنگ
نور جمالگه بیر نور اورالسنگ
توپراغیمگه گل بیتر بیر قره گین
عبادت دیر اۉزینگگه یۉل سورالسنگ
128
توت سن قۉلنی قیلگین جان نی گلستان
بېرگین عشققه جانگه جان سن جانان
قربان سېنگه بو جان نظر تشله سنگ
چیقر آتش ایچیدن گل ریحان
129
سن دلیمگه آرزولی بیر سودا
درد و غمیمگه نایافت بۉلگن دوا
روزگاریمگه هر بار عشق اېشیکدن
کۉرسم تورسنگ اېشیکده عشقلی هوا
130
بیر بوسه بېرگین دېدیم، بیرعوضده بیش بېردینگ
شاگرد کۉریدیم سېنی، استا بۉلیب گل تیردینگ
بو لطف کرم دلدن، پاک دلدن
معجزه من دېب یوردینگ دلگه کیردینگ
131
لیلا ایسته سنگ مجنونسیز او کېلمس
اۉزدن و دنیادن کېچ مسنگ ایلمس
سېوگنینگنی سفره سی گه بارگینچه
کور و تیلسیز بۉلمسنگ وفا قیلمس
132
ییللر کونلرگه اوخشهب، کېچیب کېتر عزیزم
اېسکی درد و سېونج نی، یاد گه بیتر عزیزم
بو دنیا رویا اېکن، بیرآز بوشگه بېر عزیز
بوـ ده اۉتر دېب ایتکین، ذاتاً ییترعزیزم
133
دردیم بویوک درمانسیز، چونکه سېوگلیم دردلی
باشقه گه دل بېرگنمیش، او باشقه دن امیدلی
دردیمگه او درمانیم، اۉز دردی له قاوریلگن
حکیم کسل مېن کسل، هوا بۉلمگن حدلی