یوز گللی بیر گلستان

 

1 ـ یوز گللی بیر گلستان

 

کۉنگلیمگه آتش توشدی یانر او یانر یانر

امید کۉنگلیمین یېمگی بۉلمسه قانر قانر

قۉلری آق یومیش یومیش قوقولی او ساچلری

مثلـیکه سینه مگه اورگن اۉق بۉلیب ساچ اوچلری

اولیترگن بیر حالگه کېلدی او بیزیم محله گه

کۉریب کۉرمس اوریلدیم من او کېلگن افسانه گه

آیاغیگه زینت زردن زر بیچگن پاپوشلری

دالگه دالگه ساچلریدن اوریلدی خلق هوشلری

بیر رماندن اۉقیبیدیم مونده ی بیر پیری لینی

عشق کتابگه یازیدی او،عشق اوچون تۉغری لینی

عشق اوچون توتیلیدی، او بېرگن دل باله گه

مثلیکه تکراری اېدی، او داستان محله گه

او خیالگه توشدیم هوشدن او قیز اوچون دالگه گه

او داستانگه رل اۉینب من، خیال بیچگن دالگه گه

دنیا توردی خیالیمگه کېلدی او قیز یانیمگه

مثلیکه جنت اېشیگی آچیلدی او خانیمگه

قۉللریم نی آچدیم اونگه، کېلسین دېییب او پری!

تبسم له او لاف قۉیدی کیم بو دېب بو سرسری؟

بۉی بوکدیم هلال قیلیب، توکه ی دېب کدریمنی

بو همه سی رویا اېکن سۉکدیم من قدریمنی

 

2 ـ یوز گللی بیر گلستان

 

بهار کبی اېسیب کېچدی مونچه سنه لر

نېچه کونلی عمریمدن ییغیلدی خاطره لر

بعضاً خوشلکنی کۉریب بعضاً درددن اوریلدیم

آقیب اۉتدی بو عمر توشونچه گه بېریلدیم

هر کونیم باشقه بۉلیب یشندی او من سیز

بعضاً کولدیم ییغله دیم هوش نی بېریب زمان سیز

بو عمر دولابیدن کۉپ شی ییتریب آلدیم

آلگنیم نی تۉپله سم اۉچ گز قوماشگه قالدیم

آقدیم من سوو بۉلیب دریا ایچیده یالغیز

معما نی هیچ بیلمه دیم کېته من بلکی ایزسیز

قنده ی اۉتدی بو عمر بیر دولابین اوچیدن

بیر نېچه خاطره دن باشقه یۉق ایچیدن

 

3 ـ یوز گللی بیر گلستان

 

گپیرگین سېن گلم یوره گینینگ ایچیدن

یایلسین قوقولرینگ ساچلرینگنینگ اوچیدن

قارانغی بو کېچه ده اینسین سېنگه یولدوزلر

آیدینلیکنی یانسیتیب یره تسین عشقدن سۉزلر

بیر بهار سن قیشیمده اېسکن بیر یاندن بۉلیب

قوش مثالی قۉنگن سن جانگه بیر جانان بۉلیب 

اېگیلگن عشق سینه مدن قوقو ساچکن بو بال گه

آیاق ایزیگه توشیب قربان دېگن بو حال گه 

دالگه لنگن سینه مدن بیر حس عشققه یایلگن

عشق اینگن بو کېچه جنت پری گه ایلگن  

باش قۉیسم کۉکرکینگه قوقوینگنی ایچگه تارتیب

مهر سیپسنگ سینه نگدن عشققه مهرینگنی آرتیب

یا گپیرگین دلینگدن یا نازله نیب لب بېرگین

بو کېچه عشق کېچه سی عشق خلوتیگه کیرگین

 

4 ـ یوز گللی بیر گلستان

 

 یوره گیمدن من ایتسم درددیمدن جهان اورتر

عاشقلیگیمدن ایتسم ایشیتکن هر جان اورتر

بو دردنینگ بیر آتشی توشسه اگر بیری گه

صبر و طاقت سیز بۉلیب یوره کدن چنان اورتر

نېچوک طاقت من قیلی هجریدن کېلگن دردگه

غم بیلن المیمدن بو یوره ک فغان اورتر

بې خانمان عقلیم دور هوش کیتکن فراقیدن

نگاریم دېب اوریلدیم شوقیدن زبان اورتر

قت لمه دېک قتله دی وصفیدن بیان اېلب

لعللی لب له اۉینه تدی بو حالگه بو جان اورتر

قنده ی قتّیق کون اېکن دل بېرسنگ قره مسه

مېنیم بو دردلی آه گه جهاندن آسمان اورتر

بو درددن خراب بۉلدیم ویران بۉلیب عشقیگه

او ظالم بیر سۉرمه دی بو دردگه جهان اورتر

 

5 ـ یوز گللی بیر گلستان

 

دردلریم نی یازه یازه توگلدیم توگلدیم

اوردیم ییللر مونده ی سازگه توگلدیم توگلدیم

توشدیم بوش خیالگه من بونده ی رسوا بیر حالگه

دردیم نی ایته ایته توگلدیم توگلدیم

اۉته دی مېنیم عمریم نه شانیم بار نه خانیم

بیر راحت دېیه دېیه توگلدیم توگلدیم

نه حضور مېنگه کېلدی نه عشقدن خبر ایلدی

عشق سیز قوروق حویلی گه توگلدیم توگلدیم

انسان دېب بیز یشه دیک لېکن راز نی بیلمه دیک

حیوانلیکدن نې گیله توگلدیم توگلدیم

عشق بۉلمگن یشمگه خوشلی کیررمی اونگه؟

عشق سیز بۉلیب عالمده توگلدیم توگلدیم

مېن دردیمدن ایته من بیر قهریمدن ایته من

عشق سیزلیگیم بیر یره توگلدیم توگلدیم

 

6 ـ یوز گللی بیر گلستان

 

من مجنون لیلام نی کۉردیم عشوه بیلن باقدی کېچدی

عشق باغچه گه آتدی مېنی قاشلری نی ییقدی کېچدی

بیر حالی نی سۉرالمه دیم دلدن بیر گپ ایتالمه دیم

مثلیکه زهرا یولدوزی شوقی مېنی یاقدی کېچدی

آتش آچدی بدنیمگه مهرُ قۉیدی جگریمگه

سودا سِریگه او تشلب یولدوز کبی آقدی کېچدی

کېچه م سحر بۉلمه یدی اوندن اۉیله گنیم یانگندن 

آلاو کبی یاقدی مېنی درد تاقی نی تاقدی کېچدی

بیلمه دیم لیلا خوی نی آققن عشققه عشق سووی نی

کۉز اۉینه تیب کباب قیلیب جگریمدن یاقدی کېچدی

 

7 ـ یوز گللی بیر گلستان

 

تېگدی قنات سوداگه قۉندیم من اوچالمه دیم

عشق شراب دېیه دېیه یاندیم من ایچالمه دیم

توشدیم قاره سوداگه عشق دېگن بو بلاگه

زندان اېکن بیلمه دیم زنداندن قاچالمه دیم

بو اېکن بیر خام خیال اوچدیم اونگه بو احوال

اوچگن پیتیمدن بېری کۉپریکدن کېچالمه دیم

یانگین یوره گیم یانگین بو درد اوچون قانه گین

قانه گن عشققه توشدیم توشگندن اوچالمه دیم

بۉلسین طبیب یره گه سورتسین علاج سینه گه

عشق مرهم دېیه دېیه عشقدن من کېچالمه دیم

ایلگنیم نازیک حال ده ساووریلر سخت روزگارده

اوسیز بو روزگار خراب روزگارنی بیچالمه دیم

ایچه من بو سودادن عشق شراب دېب آه یمدن 

عشق شراب دېیه دېیه یاندیم من ایچالمه دیم

 

8 ـ یوز گللی بیر گلستان

 

بیر گل رخی نی اوردی یانیمدن کېچدی

سۉلگن یوره ک نی یاقدی او کولیب اوچدی

درد اوستیگه ایکله دی قیسی سیگه یانه ی من؟

درد اوستیگه آرتیریب یانیمدن کېچدی

بۉلمه دی کولسه بختیم بختسیز روزگاریم خراب 

بخت سیز بۉلگن بو حالدن دل زهر ایچدی

قدر غریب بخت غربتده بختسیز بۉلگن من

بو حالیمدن قاره بختیم دردلرنی بیچدی  

باز کېچکین دل بو هوسدن کۉرمگین اونی 

چونکه هر پیت درد تشله دی او کولیب اوچدی

اگر کیتسنگ سېن یانیگه بو قاره بختدن

اوزیله سن بو هوسدن او کولیب کېچدی

 

9 ـ یوز گللی بیر گلستان

 

ایزیلمه دن او عشقدن قیتگین هو کۉنگل

قمیتینگ نی بیله می او بیلمی سن او دل

عشق پرده نی قبه گین سېن کېلمسین سېنگه 

سۉزگه تورمه گن جادو او بۉلدینگ اونگه قلُ 

ذوق آلمگین عشق درددیدن بوشه گین اۉزدن 

وفاسیزلیک  شان اېمس که بیلمی سن او دل

آتکن سن کور توگیمنی خام بۉلیب عشققه

اېندی من سیز یغی گه سن بو ظالم یۉل

کۉزدن کور بۉلسین بو عشق بو یامان آفت 

قیلمه دېسم قیله سن سېن ایشیتمه ی کۉنگیل 

قیتگین سن دل سودادن سن ایزیلمه اوندن

قمیتینگ نی بیله می او بیلمی سن او دل

 

10 ـ یوز گللی بیر گلستان

 

میلی سېن کېلگین گلیم کۉکلم اگر ـ ده بۉلمسه

گل نی آچگن بیر بهار سن اگرـ ده او کېلمسه

آرقه گه زلفینگنی قیستیر توقیلب جانیم مېنیم

ایلدیرگین زلف بویی نی اگر ـ ده او ایلمسه

آلیب آلیب سېن جانیمدن جانگه بیر ناز اېله گین

بو جانیمدن قیشنی آلگین اگر ـ ده او آلمسه 

شرم اېتمه نور یوزینگدن آچیلگین بیر سۉز بیلن

عشق هوادن سۉز کېلسین اگر ـ ده او کېلمسه

ایرته لب چارباققه کېلگین باغبانینگ من بۉله ی

باغ هوا نی تاتلی قیلگین اگر ـ ده او قیلمسه

سېوگلیم سېن لطف قیلگین ایلگی نی سېن قیسمه گین

ایلگی نی عشقدن ایلگین اگر ـ ده او ایلمسه

بو گۉزل آپاق یوزلی بو دوداغلر کیمگه بار

کېلگین دېیمن بو غریبگه اگر ـ ده او کېلمسه

 

11 ـ یوز گللی بیر گلستان

 

اونده ی بیر کون بۉله مکن تېگسه لبی بو لبگه

اونگه بیر رحم ایله مکن تېگسه لبی بو لبگه

باغ بۉلگن دل بو هوسدن خرملی بۉلگن بو شان

ایتسین هو کون کېله مکن تېگسه لبی بو لبگه

لطف کرم گۉزل گلدن ایلسین مېنگه هو خدا

بو هوس نی بیله مکن تېگسه لبی بو لبگه

هجر بۉلسه عشق دېگندن صلاح سیز بولر مدام 

یا وصال نی ایله مکن تېگسه لبی بو لبگه

بیر توفان دور هوس ایلگن بو قلُ دلیگه کیرگن

قلُ بۉلگن نی بیله مکن تېگسه لبی بو لبگه

جان باریچه جانان دېدیم جان بېریب اونگه جان نی  

مهربانلیک کېله مکن تېگسه لبی بو لبگه

 

12 ـ یوز گللی بیر گلستان

 

روح نی بدندن آلگن ماه ی تابان کۉزلرینگ

کۉک یوزیدن او اینگن جنت نشان کۉزلرینگ

مثلیکه تېنگری قۉلدن نقش بۉلگن او تابلوگه

تابلوگه او گل آچگن او درخشان کۉزلرینگ

نور نی اېله گن عشقدن ریحان بۉلیب دلگه  

جادولی حکم سورگن هو زرافشان کۉزلرینگ

ایلگی سیز هر بیر دلگه آتسه بیر نظر ایچیدن

دل نی قلُ او قیله دی دلگه ریحان کۉزلرینگ

عشق بۉلگن بیر مشرفدن یایگن او گۉزللیگنی

روح نی آلگن او مشرف ماه ی تابان کۉزلرینگ

 

13 ـ یوز گللی بیر گلستان

 

آی دېک او گۉزل یوز نی اې دلربا یشیرمه

بو قلُ نی کباب قیلیب کبر اخلاققه کیرمه

ریحان یوزلی یوزینگدن نور اېله گین غریبگه

بای لی او جمالیندن غریب نی یېرگه اورمه

گل اوچون که سیره سه بو ایشیم حیاتیم دېب

بلبل مثالی بو دل رنج و جفا نی بېرمه

بیر گناه لی بیر قلُ گه تېنگری هم بیر قره یدی

عشقینگگه اېگیلگن من گناهکار بو دېب اورمه

بیرگینه بیرقلُ بو دېب یوزبېرسنگ یامان می دور؟

بیر قره گن او یوزگه قربان بۉلگن نی قیرمه

عشق باغچه ده بیر گل سن نازلنیب عشق دیارده

باغبانینگ من بۉلگن باغ سیز حیات گه بېرمه

قاره سوداگه توشدیم بیر کۉره ی دېب یوزینگنی

تېنگری یوزی نی کۉرگین گۉزل گل نی یشیرمه

 

14 ـ یوز گللی بیر گلستان

 

هجر غمینگدن هو گل کۉز یاش تۉکه ی می تۉکمه ی؟

یۉلینگگه توشیب سنبل کۉز یاش تۉکه ی می تۉکمه ی؟

عشق سوداسی گه بو دل گل اوچون سیره گن تیل

بو دل نی آلگن او یۉل کۉز یاش تۉکه ی می تۉکمه ی؟

صبرسیز بو روحیمگه دیدارینگدن رحم اېله 

دیدار گه صدقه بلبل کۉز یاش تۉکه ی می تۉکمه ی؟

بو حال دلیم نی کۉرگین بو قل گه ایلگی ایلگین

یۉلینگگه توشکن بو قل کۉز یاش تۉکه ی می تۉکمه ی؟

طاقت دل گه قالمه دی گل بۉلگن گل کۉرمه دی

گلگه کباب بۉلگن دل کۉز یاش تۉکه ی می تۉکمه ی؟

ایتکین گل نیمه قیله ی دردیم نی قنده ی ایته ی

بۉلمه گنینگدن هو گل کۉز یاش تۉکه ی می تۉکمه ی؟

 

15 ـ یوز گللی بیر گلستان

 

بیر کون البت اۉله میز قدریمیز بېلی سیز

گل عمری دېک سۉله میز قدریمیز بېلی سیز

دنیا امانت اېکن کېلگن کېلیب کېتیکن

بو حالگه بیز بۉله میز قدریمیز بېلی سیز

کیم کېلیب و کېتکندن سۉره مس اۉلیم بیزدن

بار رزققه میز ایله میز قدریمیز بېلی سیز

خوشلی کیمگه ییتیبدی آز بۉلسه ـ ده سپیبدی

آز دېب بیلمه ی قاله میز قدریمیز بېلی سیز

بۉلسک اگر بې دولت یورگن لیک بې صولت

بیلمه ی یۉلگه ایله میز قدریمیز بېلی سیز

انگلمه سک  دوستلیگنی اۉقیمه سک بوتلیگنی

قیشده سووسیز قاله میز قدریمیز بېلی سیز

قدر بېلسک کۉره میز یخشی یۉلگه کیره میز

بیلمه سک غم آله میز قدریمیز بېلی سیز

 

16 ـ یوز گللی بیر گلستان

 

لطف قیلگین باد صبا داد نی دلدارگه ییتکیر

یوره گیمدن دردیم نــی او جفاکارگه ییتکیر

کرمیدن اېله سین بیرآز رحم نی دلیدن

اونگه اېگیلگن قلُ دن عرض نی او یارگه ییتکیر

روح بدنیمدن آلگن نور سیپکن او کۉزلری

عشقیگه خم بۉلگن من حال نی نگارگه ییتکیر

بلبل دېک دل سیره گن سوداسیگه اېگیلیب

تېنگری دېب اېگیلگن من دلدن گلنارگه ییتکیر

مشرفلی عشق یره تگن شرفلی یۉلگه کیریب

روح نی بدندن آلگن بو گپ نی یارگه ییتکیر

قوقو بېرگن جانیگه یوره ک هوس تشله گن  

هوسلی بو یورگدن دردنی دلدارگه ییتکیر

 

17 ـ یوز گللی بیر گلستان

 

رویا مثالی کۉردیم کۉرگنیم زیبا گۉزل

لب گۉزل قاشلر گۉزل قۉلیگه مینا گۉزل

عشوه لب بیر قره دی آلدی دل نی او شکر

رخ گۉزل رخسار گۉزل عشوه دن ایما گۉزل

قیردن کېلدی او گۉزل قویاش مثاللی بۉلیب 

قد گۉزل قامت گۉزل عجایب سیما گۉزل

جوره سیز بو جهانده بس که گۉزل دور اۉزی

کۉز گۉزل ساچلر گۉزل او زیبا اعلا گۉزل

بیر اۉق اورسه نوریدن آله دی کۉنگیل نی او

کۉزدن ادا نی بېریب بېرگن او ادا گۉزل 

هو تېنگریم ایتکین مېنگه کیمگه یره تینگ اونی؟

بۉلمگن بو مثالی وقتی گه لیلا گۉزل

 

18 ـ یوز گللی بیر گلستان

 

عشق آلسه هر کیم نی گۉزلیککه بیرر او کېچر او

عشققه حرمت قیلمسنگ بد روزگارلی بیچر او

کیسیلمسین اچّیقی شربت یېریگه کېلسین

اچّیق ـ ده اوندن کېلسه اچّیقدن بال ساچر او

اوندن کېلمسه بیر ایز ایزیله دی روزگار

ایزیلگن روزگارگه حرمت قیلمه ی قاچر او

عشق سیز بۉلسه بهاریم خزان مېن دېب ییغله یدی

او عشق نینگ قوتی که بهارگه رل بیچر او

عشق که مونده ی بیر آفت نېگه بوندن قاچه سن؟

مېن که یۉلینگگه توشکن بیلسنگ او گل ساچر او

 

19 ـ یوز گللی بیر گلستان

 

بیر نظر توشدی یوزینگگه مبتلا بۉلدیم سېنگه

قوقو کېلدی او جمالدن آشنا بۉلدیم سېنگه

آرتیریب دلگه سېونچ نی مهر و وفا اېله گین

بیر نظر کۉرماق اوچون بیر گدا بۉلدیم سېنگه

کون آشر بغریمگه اینر زوره یب کېلگن عشق

عشق دور دېوانه لردېک جان فدا بۉلدیم سېنگه

اېله گین بیر لطف مېنگه بیر غریب قلُ لیم دېب

باش ایللگن بو هوادن مبتلا بۉلدیم سېنگه

تاپمه دیم بو سن دوادن بغریمگه سورتسم علاج

چاره سیز کۉز یاش ایچیدن بی صدا بۉلدیم سېنگه

فکر و حسیمگه ایلیلگن عشق ایچیدن بیر صدا

او صدادن بیر حکم دور جان فدا بۉلدیم سېنگه

 

20 ـ یوز گللی بیر گلستان

 

هواده قار ایزی بار کۉکسیمده عشقدن بیر حس

کېلینگ آچینک کۉکسیمنی یار دېب ایقیرگن سېس

نی اونی، نی ـ ده مېنی سېومس کیمسه بو قدر

بو سېوگی نی بیلمه یدی بو آتش دور بو کدر

نور آچکن شمع خانه گه عشق نازلی پروانه

بیلسه او عشق ساچه دی بۉلگن بو دل دېوانه

سیره مس بلبل عشقدن اگر گل یوز بېرمسه

تېنگریچه بۉلمس نگاری اگر عشققه کیرمسه

اسم سیز بیر بوته من عشق باغچه ده کوکریب

قوش بۉلیب قۉنسه دېیمن بو بوته نی دوست کۉریب

کۉنگلیم غریب اوزاقدن بیر هوس نی ساچه دی

او اۉز دنیاسی بیلن او اوچون گل آچه دی

 

21 ـ یوز گللی بیر گلستان

 

سېن اوچون بولگن سېوگی نی ایچیمدن آتدیم

سېندن قالگن بهاریم نی خزانگه ساتدیم

بو اېدی می ایستگینگ تورمه ی اېندی کېت

خواهله گن یشمینگگه من سیز بۉلیب اۉت

اېسکی صحفه دوره دن بلکه حسلر قالگن دیر

بو دل نینگ گوشه سیگه بلکه قالب سۉلگن دیر

جانلنمس عشقدن بیر حس مونچه وفاسیزلیکدن

اۉلدیردینگ سن یوره ک نی ظالم هواسیزلیکدن

اېندی قبت اۉیین نی باشقه صحنه یازمگین

ایکّی یوزلی خویینگدن اېندی مېنی ایزمگین

جسمینگ مېنیم له بۉلسه روحینگ باشقه گه اوچگن

ساووق لیکنی یره تکن وفاسیزلیکنی بیچگن

 

22 ـ یوز گللی بیر گلستان

 

اگر درددیمدن ایتسم بو دردن جهان کویر

عاشقلیگیم نی ایتسم یاش تۉکیب هر جان کویر

بو دردنینگ بیر آتشی توشسه اگر بیری گه

صبر و طاقت سیز بۉلیب یوره کدن چنان کویر

نېچوک طاقت من قیلی هجریدن کېلگن دردگه

قسمتیم غم پیشیرگن دلیم ناتوان کویر

بې خانمان عقلیم دور هوش اوچگن فراقیدن

نگاریم دېب اوریلدیم شوقیدن زبان کویر

قت لمه دېک قتله دی وصفیدن بیان اېلب

لعللی لب له اۉینه تدی بو حالگه بو جان کویر

قنده ی قتّیق کون اېکن دل بېرسنگ قره مسه

مېنیم بو دردلی آه گه جهاندن آسمان کویر

بو درددن خراب بۉلدیم ویران بۉلیب عشقیگه

او ظالم سۉرمه دی بو درددن جهان کویر

 

23 ـ یوز گللی بیر گلستان

 

بو حیات سنسیزلیککه جان آلیب یورمه دی

کۉک یوزی یولدوزلردن نورنی آلیب بېرمه دی

سېسسیز بۉلگن کېچه لر بیرمن قالدیم بیرـ ده سن

سن باشیمده عقلیمده باشقه بیر شی تورمه دی

کۉزیمگه ییغله ماغنی اۉرگتدی ظالم یاشیم

آتدی شرم نی کۉزلر هیچ بیر حیا کیرمه دی

مېندن بیر هدیه آل کۉزلریم نینگ یاشیدن

اییریلیگنینگ میوه سی چونکه دلینگ سۉرمه دی

سېونیچلی قوش مثالی کولدیره بیلماق سېنی

بوهوس دلده بۉلگن سنسیز حیات یورمه دی

قویاشین نوری اینسه گلباغچه گه عشقدن

بیر ایستک اېدی سېن له قویاش نور نی بېرمه دی

اېندی اوزاقلرده سن کۉز کۉزدن اوزاقده سن

بو هجرلی بو غمدن هوس دلگه کیرمه دی

 

24 ـ یوز گللی بیر گلستان

 

قنچه قدح قیریلدی سرخوش کۉنگلیمده

بیلمه دی بو دردیم نی دردلر دلیمده

بو دردلردن دلیم نی آووتالمه دیم

دردلی بۉلگن دلیم دیر دردلر تیلیمده

کېچه لر ییغله دیم سېسسیزچه یالغیز

چاره سیز بۉلگن من ساووقلک یولیمده

 نیمه قیلسم بۉلمه دی اونوتسم او نی

اونوتدی او مېنی بو دور قۉلیمده

کیم بیلیر کیملر بیلیر اېندی او نیرده؟

بو درد دور علاج سیز بو درد دلیمده

حالا من یشه سم اېسکی کونلرده

عقلیمده اېپ او بار سرخوش کۉنگلیمده

هر سېوگی بیر کون بیتر قاعده لی زمان 

مېنیم کی بیت مه دی قالگن دلیمده

بو عشقدن خیر یۉق دېیدیلر مېنگه

نې دېسم بو دلگه حر او یۉلیمده 

 

25 ـ یوز گللی بیر گلستان

 

بیر دفعه مېنیم اوچون سوداگه توتیلیب کۉر

آتشلرده یانگنیم نی او بیر رسمی دور

مجنون مثالی عشق سۉزی بیلگین بیر حیات

باشقه عالم دور او حیات تعجبلی او سِر 

اېله گین گۉزل خیال نی بو گرچکلیککه

رویا مثالی بو حیات بو حقیقت دور

مشعله سن بو دنیامده مېن عاجز بیر قلُ 

پروانه دېک پر اوره من بو حالیم نی کۉر

ییغلتکن سېن رحم قیلمه ی سېسسیزچه مېنی

بیر گوشه گه چیکیلگنیم نی اۉزینگدن سۉر

یېماغدن و ایچماغدن کیسیلدیم بیردن

اییریلیک قورقی سیدن توشکنیم بو سِر

 

26 ـ یوز گللی بیر گلستان

 

ایقیرگن مېنی اوچیریم اوچیریم بۉلگن سودانگ

قاچماق حرام اېستیریلگن باشگه هوانگ

سیقیشکن بو حیاتگه گپیرسه زمان

بلکه بېرر اوچیریم سودانگدن دوران

عشق بۉلسه سوزیلیر دلگه یاتکن بیر هوس

حکم کرمت الله توشر بو دردگه هرکس

بیر کیرسم سۉزلرینگگه تیشلرینگگه بیر نفس

ینگیدن توغیلسم بو عشقدن بو بس 

یشه ت مېنی کۉزلرینگــــده قۉلرینگده سېسسیز

ییغلتمه ساچلرینگنینگ قوقوسیگه نفسسیز

ایسته بهار ایسته حیات بۉله ی قۉلینگگه

چیقر مېنی بو خزاندن بهار یۉلینگگه

توشکن من اوچیریم اوچیریم بۉلگن سودانگگه

سوزیلگن بو یوره ک اېسگن هوانگگه

 

27 ـ یوز گللی بیر گلستان

 

کېتکنینگده روحیم قوش بۉلیب اوچدی

باره ی سېنگه دېدی روحیم درد سووی ایچدی

اۉخشه میدی هیچ بیر آغری بۉلمسلیگینگگه

بو درد بو احوالدن بیر قدر بیچدی

سورگین یامغیر سورگین شمال قارلی تاغلرگه

بهار اۉلدی بو تقدیردن عمریم غم ایچدی

نې اېله ی یالغیزلیککه شاشیرگن یۉلیم

قاره سودا قیش هوادن غم بېریب کېچدی

پریشان من بو حالیم له تومن اوستیمده

سېن بیلمی سن او نگارم بدن غم ایچدی

 

28 ـ یوز گللی بیر گلستان

 

بیر گناه می عشق؟ کۉزلریمده حسرتینگ

آققن یاش کۉزلریمدن کۉزلریمده صورتینگ

سنسیز اۉتکن کېچه لردن توکیلگن یاش هر صبا

کېچ انگله دیم خطام نی عفو بویورگین دوا 

عشق دېگن بیر حیاتگه گناه کار بۉلیب ایندیم

گناه سیز زمانیمدن بو گناه بیلن سیندیم

کېچ انگله دیم عفو بویور، ییغیلدی خاطره لر

یالغیز خطالریم بېرگن مېنگه یره لر

بیر بهار هواسی نی کاشکی یره تیب دۉنسنگ

گناه کار بو قلُ ینگگه قهردلینگدن اینسنگ 

ایشانکه پیشیمان من دردسیز هیچ بیر زمان یۉق

اوزدیم سېنی اۉزیمدن سنسیز بو جانگه جان یۉق  

 

29 ـ یوز گللی بیر گلستان

 

ییقیلگن بیر یوره ک من دالگه دینگزگه

توتیلگن آو مثالی توشگنیم ایزگه

ساحلده من بو عشقده دینگیزگه قره ب

دالگه سی اورگن مېنی توزسیز دوزگه 

جفت الماسگه اۉخشه گن گۉزل کۉزلری

اویقوسیز یوره گیم دور اېگیلگن کۉزگه

الدی کېتدی بی انصاف بار یۉقیم نی

توتیلدی بو جان اونگه یانیب او یوزگه

اگر که اییریلمسه بو جان بدندن 

کېلر دېب امید توتکن او گۉزل قیزگه

یاقدیم خوجه عمر نی ظفرسیز آنده

او جفت الماسگه قره ب او گۉزل یوزگه

یره لی بهاریم نی قیشلرگه من کومدیم

ینه ـ ده قره گن من گۉزلدن ایزگه

 

30 ـ یوز گللی بیر گلستان

 

صاحبی بۉلگن حیاتگه بو دل تورمه یدی

دنیاچه مهم کۉزیم اېندی کۉرمه یدی

کۉرمنگلر او عزیزلر بو حالده مېنی

بو عمر او یاریمدن خوشلیک بېرمه یدی

توشگن من بهار دېییب قاره خزانگه 

قاپقره لیک بختیمدن هوس تورمه یدی

قصد قیلگن من تنیمگه بو یشم حرام 

بو حال و احوالیم نی ظالم سۉرمه یدی

یپراق مثالی بۉلگن ساوریلگن حیات 

ساووریلیب بو حیاتیم امید بېرمه یدی

نازلی بیر جاندن کېلدی بو ظالم تیاق 

جانگه جانان او بۉلگن مېنی کۉرمه یدی

یایلگن جهنم دور اونینگ قۉلیدن

او ظالم او نگاردن دلیم تورمه یدی

 

31 ـ یوز گللی بیر گلستان

 

سېندن بیر سېس کېلمه دی سیندی کۉنگیلیم سېنگه

تویغولرنی بیلمه دینگ درد بۉلدی خویینگ مېنگه

اوپکه لی من بو عشققه تیشله سم بۉینینگ نی من

الاوینگگه قاووریلدیم بیلمه دینگ بو حال نی سن

بو چاره سیزلیک حالگه توشدیم افسوسلر بیلن

گونش بیلیدیم سېنی مینگ بیر هوسلر بیلن

هجر نی روا کۉریب تشله دینگ سېن یالغیزگه

ساغینماغنی بیلمه دینگ آتینگ سېن قوروق ایزگه

یۉق بولگنینگ یره ته دی خزان یوزلیگنی مېنگه

بار بۉلگین دېب سیزلی من ایپ دوعالریم سېنگه

سېندن بیر سېس کېلمه دی سیندی کۉنگیلیم سېنگه

بیلمه دینگ تویغولرنی درد بۉلدی خویینگ مېنگه

 

32 ـ یوز گللی بیر گلستان

 

ینه خیالریم له تولو تولو بیر آنده

ینه تویغولریم فرم پارچه زیانده

حسرتینگ دلگه توشگن او دلیم یانگن

بهارلی گونشیمگه بیر خزان قۉنگن

آه بو دردلی باشیم پیشمگن خام آشیم

نیره لرده سن خام باشیمگه یولداشیم

قیزگین کۉک یوزیگه اۉخشه گن جگریم

آی گونشیم سۉلیلگن بو دردلی کاریم

سوداگه بو دل ایلگن غنچه سیدن چیچیککه

سن سیز ایلیله دی امیدسیزلیک یوره ککه

ینه تویغولریم له فرم پارچه بیر حالده

نیره لرده سن بو دردلی بو احوالده

 

33 ـ یوز گللی بیر گلستان

 

بهار کــبی اېسیب کېچدی مونچه سنه لر

نېچه کونلی عمریمدن ییغیلدی خاطره لر

بعضاً خوشلکنی کۉریب بعضاً درددن اوریلدیم

آقیب اۉتدی بو عمر توشونچه گه بېریلدیم

هر کونیم باشقه بۉلیب یشندی او من سیز

بعضاً کولدیم ییغله دیم هوش نی بېریب زمان سیز

بو عمر دولابیدن کۉپ شی ییتریب آلدیم

آلگنیم نی تۉپله سم اۉچ گز قوماشگه قالدیم

آقدیم من سوو بۉلیب دریا ایچیده یالغیز

معما نی هیچ بیلمه دیم کېته من بلکی اېزسیز

قنده ی اۉتدی بو عمر بیر دولابین اوچیدن

بیر نېچه خاطره دن باشقه یۉق ایچیدن

 

34 ـ یوز گللی بیر گلستان

 

تېگمه قیریلگن دلگه اخلاقینگدن درد ایکمه

سېنی سېوگن بو قلبگه بیر پارچه غم تیکمه

انگله ماق بیر باقیش بعضاً تیتره گن دلگه

عشق باغچه سیدن کېلسه اېگیلگن بلبلگه

بیر کیچیک بیر سۉز دېسنگ سېوه من سېنی

او اعلاج گه کم کۉردینگ ایزدینگ سېن مېنی

اینجه لیک بو یۉلگه ایستیره دی هوانی

قلبدن قلبگه یایره تیب عشقدن او صدانی

اېپ سېودیم سېوینچ لر له دل نی یۉلینگه قۉییب

ایزله دیم اېپ یۉلینگنی عشقدن بو یۉلگه کوییب

اونیتمه بو دردیم نی قویاش سیز بهاریمدن 

ذاتاً بۉلگن من خزان غمیم کۉپ بو باریمدن 

حیله یاپیب قول تېگمه قیریلگن بو قلبیمگه

اېپ قیردینگ سن قلبیم نی زهر آتمه لبیمگه

 

35 ـ یوز گللی بیر گلستان

 

کۉزیمگه حسرتینگ یوره ککه یامغیر

یۉق سن یانیمده کېلمه یدی بیر مهر

هجرینگدن سوو بۉلدی یوره ک یامغیرلی

بیتیردیم امید نی یۉلیم کیرلی

بیر امید کۉرگندن اېگیلدیم سېنگه

ایلسین دېب سېوگیدن کېلسین دېب مېنگه

اۉینه دینگ اۉیین نی دلگه قان بېریب 

کېلمدینگ سېوگیگه یالغانگه کیریب

ریا نی جانیمگه امید دېب بېردینگ

اۉیینگه تشله دینگ باشیمگه اوردینگ

ایچیمده کدردن بیلیلمسلیک بار

او آلگن او مېنی ایچدن دلیم تار

بې هوش من ایچمه دن سن سیزلیککه

یولگن او دلیم نی بی ایزلیککه   

آچدیم من اېپ قۉل نی تېنگری دېب سېنگه

اۉیندن باشقه نی بېرمدینگ مېنگه

بو اۉیین خنجری یوره ککه کیرگن 

سن سیزلیک دردلریم یوره کنی اورگن

 

36 ـ یوز گللی بیر گلستان

 

بو دردلی قدرگه چاره سیز قۉیمه مېنی

بیر دفعه توتیلدیم کۉپ سېودیم سېنی

هر درد کېلسه سیندن بو کۉنگیل یوتر

عشق اوچون بیر کولسنگ او مېنگه یېتر

کۉکسینگه ساریلیب قۉلینگنی توتماق

سېوگلیم دېییب قلبینگه اۉتماق

بو هوس ایچیمده، قان ییغله گن او

بو دردلر چاره سیز بۉلگن لیگی بو

ییغلت سنگ کولدیریب عشق اوچون دېییب

بو یۉلگه عشق اوچون بیر کویلک کېییب

آسان دور عفو اېتماق هر بیر زمانده

عشق اوچون یامان نی هر بیر آنده

قۉیمه گین چاره سیز بو دل بیتر بو

عشق اوچون امیدگه کولسنگ یېتر بو 

بیر کره توتیلدیم کۉپ سېودیم سېنی

قۉیمه گین بو دردگه ریحانیم مېنی

 

37 ـ یوز گللی بیر گلستان

 

اوندن باشقه نې قالدی خاطره لردن باشقه

تیکن نی گل کۉرستدی گل دېییب عشققه

دامله دی کۉز یاشلریم اونینگ قۉلیدن 

سیندی غریب بو قلبیم اونینگ تیلیدن 

اېندی توشمم او اوچون یالغانچی یۉلگه

عشق دېب اونینگ یۉلیگه او ظالم قۉلگه

دوداغلریگه هنر اېپ ایکّی لی اۉینه یدی

گاه بهار موسیمیدن گاه خزاندن اېله یدی

روا می هو یوره گیم مونده ی یۉلگه تورتینگ سن

تیکن بۉلگن بیر گلگه آلیب مېنی آتینگ سن

غم اېله دیم قۉلینگدن خزان بۉلگن تنیمگه

دېوانه لیگینگ بیلن او گلدن بدنیمگه

باشقه اوندن نې قالدی بیر خاطره دن باشقه

کۉرمی سن حقیقت نی پیشمه دینگ سېن بو عشققه

 

38 ـ یوز گللی بیر گلستان

 

اوچیریم اوچیریم کۉزلرینگگه باقدیم سن سیز

بیر سودا یوکی نی بغیرمگه تاقدیم سن سیز

ایلیلدیم سودا یوککه چېکتیم حسرت

هر کېچه اویقو دېیه آقدیم سن سیز

یانه من بو عشققه توتیشکن بغیریمگه آتش

قاوورگن بو آتشگه باقدیم سن سیز

توغگن قویاش هرکونیمدن قارانغی بیرروزگار

عمریم نی عمر دېیه یاقدیم سن سیز

بیلّی دیر آچ بغیریمگه ایلیلگن بیر حسرت

تنینگ نینگ قوقوسیگه آقدیم سن سیز

دامگه توشدیم کۉکسیمدن اوریلدیم عشقدن

اۉپکم تولی بو عشققه باقدیم سن سی

 

39 ـ یوز گللی بیر گلستان

 

دردگه توشدیم قاره کۉزلی عمر بۉییچه

سېنی سېودیم اېپ اوزاغدن هر روز کېچه

قوشلر کبی اېپ سیره دیم سېسسیز دلدن

اېپ بېریلدیم دردلی غمگه عشق دېگن یۉلدن

سېن اوی لی سن بو حالینگه بو دل ایلیلگن

عاشق من دېب قاره کۉزلی دېوانه بۉلگن

بیر رویا می یۉقسه گرچک بو حالیم خراب

سېن بیلمی سن بو جنونیم سېنگه کباب

قاعده قانون بیلمگن دل عشققه او توشگن

مولام او دېب خام خیالدن غمنی او یېگن

هرکس کۉرسه بو حالیمدن دېوانه دېیدی

چاره یۉق که سېنگه ایتسم بو حال اۉیدی

قاره کۉزلی بیر کېلگین سن رویا بۉلسه ـ ده

تسکین تاپسین بو دل سېندن ریا بۉلسه ـ ده

 

40 ـ یوز گللی بیر گلستان

 

ینه عشق قینه تگن دېوانه بۉلگن دل نی

سوریب سوریب آفتگه تشلگن بو قلُ نی

تیتره گن قۉل آیاق بو دل فرماندار 

اۉزله گن قوقوینگنی اېسگه آلیب زار

ساچینگنینگ قوقوسیگه اېگیلگن بو دل

قربان دېب اۉز جانی نی بېرگن بو قلُ 

ییغله تکن یاری بۉلسه قان توکمی می یوره ک؟ 

رحم کېلمسه یاردن غم ایکمی می یوره ک؟

توشکن او عاشق من دېب سووسیز چۉلگه

اۉره لگن اۉز ایچیگه یاریم دېب یۉلگه

قینه تگن سېنینگ عشقینگ دېوانه بۉلگن دل نی

خبرسیز سن بو دلدن بېرمه ی یۉل نی

 

41 ـ یوز گللی بیر گلستان

 

آچ سینه مده سـودا یوکی ییلرچه سېنی اختردیم

دلدن هر پیت غزل بۉلدیم هر غزلدن سۉره شتیردیم

اۉتدیم ایشیلدن سریققه عشق یۉلینگگه بېریلیب

اری اېدینگ چیچیک بۉلدیم چیچیک بۉلیب اوریلیب

باغچم چیچیک بال ایسته گن سېن اریدن حال ایسته گن

اخترگن یېریم قالمه دی حالیم اوچون بال ایسته گن

بو عشق اوچون اېگیلدیم من ایریب ایریب ریحان دېیب

دۉندیم قیشگه گلستاندن جانیم جانیم جانان دېیب

دلدن یاندیم کېچه کندوز کول بۉلدیم هر پیت روز

یانیب سېنگه کول بۉلدیم ایریدیم بۉلمه ی اۉز

 

42 ـ یوز گللی بیر گلستان

 

غریب بیرقوش اېدی کۉنگیل اوچدی مېندن بو کۉنگیل

یاریم نینگ ساچلریگه قۉندی اېسکب دېدی گل

یار دېدیم مېن سېنی یار غریب کۉنگیل نی بېریب

قۉی سیره سین او عشقدن شیرین دوداغنی سۉریب

آلدینگ کۉنگیل باغچمدن مېنگه بېرمه ی سېن مېنی

کېلگین باغچمگه گلم، سېن گل اېسکه مېن سېنی

زیان بۉلیب اۉتمسین عشققه توشکن عمریمیز

قۉل قۉلگه کیریلیک بیز عشقلی بۉلسین یېریمیز

سووگه توشسه کولمس که امید توشسه یوزلردن

سیره مس بلبل دلدن یاش توشسه کۉزلردن

بۉلمسین قوروق سودا توشسین عشققه یۉلیمیز

آچیلسین بوشگه کېتمه ی عشققه توشکن گلیمیز

 

43 ـ یوز گللی بیر گلستان

 

کمک قیلگین قۉیمه اوپسم اۉلیمیمنینگ لبیدن

امیدلرگه زهر بۉلمه سۉکمسین عشق قلبیدن

پرواسیز عشققه توشدیم بلیق کبی دینگیزگه

کمک قیلیگن چیقر مېنی سوو اوستلی گۉزل ایزگه

ایچیمدن سزله یدی دل ساحلگه اورگن بیر توفان

کمک قیلگین قومسالیمگه عشقینگدن بۉلسین بیرنشان

ایزله گن دل دالگه دالگه شر عشقینگه اینیب

کمک قیلگین بو حالیمگه عشق آتی گه مینیب

عاشق من بیر عاشق من نیردن باره ی یانینگگه؟

کمک قیلگین خزان بۉلدیم یاش توکیب خانینگگه

مېن سېنی من وسوسه دن دل ایچیمدن کۉرگن من

کمک قیلگین وسوسه دن یاش توکیب اخترگن من

ایلیلگنلیک بیر قوقودن عشق باغچه نگدن ایلگن او

کمک قیلگین سۉلمسین او، عشق دېگن تېنگری بو

بیر آیدینلی بیر کېچه نی لطف قیلگین اونورینگدن

کمک قیلگین اینسین بیرنور اوگۉزل کۉز احورینگدن

 

44 ـ یوز گللی بیر گلستان

 

هر آقشام سۉلیلگن گل آچمگن یوزیم

یالغیز من ینه یالغیز نیرده سن ایکّی کۉزیم؟

جان ایچیمگه سیپیلگن اییریلیکنینگ آغریغی

آققن یاش کۉزلریمدن هر پیت کۉزگه ییغی

آلگین کېلیب اۉلدیرگین بودرد دن قوتوله ی من

اییریلیک اۉلیمدن بدتر بونی بیلگین سن

اونوتیم سېویلماغنی سن سیز دردلرگه توشیب

لطفاً مېنی اونوتمه درد سوویگه پیشیب

قان ییغله گن بیریوره ک عشق بۉلمسه کولرمی؟

امید یوزگه بۉلمسه خوشلیک اونگه بۉلر می؟

قره اې گل یوزیمگه هر آقشام سۉلگن یوزیم

یالغیز من ینه یالغیز نیرده سن ایکّی کۉزیم؟

 

45 ـ یوز گللی بیر گلستان

 

کېتیینگ یامغیر له کېل بو حسرت بیتسین

آتش توشگن یوره گدن او آتش ییتسین

اوزاققه بۉلگنینگدن دردلی بۉلگن دل

قانله تیرگن یوره گنی هو گۉزل گل

سنسیز بۉلگن هر کون آغریمگه کېتکن

بو درد بیلن هوشیم باشیمدن ییتکن

قازیلگن بو یوره ککه او گۉزل کۉزلر

نېدن کېلمه یدی سېندن شیرین بۉلگن سۉزلر

سقیشکن بو یوره ککه یامغیر کبی کېل

جانله سین خاطره لر هو گۉزل گل

 

46 ـ یوز گللی بیر گلستان

 

قدریم کویسین یوزیمگه اۉلگینچه سېومسم سېنی

قان اورسین ایکّی کۉزیمگه اۉلگینچه سېومسم سېنی

یشه ماق یولدوزلرده سېنینگ له بۉلماق بیر تیله ی

یوره گیمدن یۉلینگگه سېن اوچون اۉلماق بیر تیله ی

سېویشماق بیر هنر بیر قره سم کۉزینگگه

کۉکسیمده گی حسیمدن مهر سیپسم یوزینگگه

حق راحتی نی کۉرمه ی اگر عشققه اوچمسم

زهر کېلسه ـ ده سېندن شربت دېب مېن ایچمسم

هدفیم ارمانلرگه کۉک یولدوزلردن ایلسین

قاره بخت نی اۉلدیریب بیر نور سېندن کېلسین

اۉلسم ـ ده بو یۉلینگگه آی یوزلیم ینه سن سېن

جوان مرگگه ایلسم ـ ده حور کۉزلیم ینه سن سېن

قدریم هیچ کولمسین اگر سېومسم سېنی

خوشلیکدن بخت تولمسین اگر سېومسم سېنی

 

47 ـ یوز گللی بیر گلستان

 

آلمه دوداغلرینگگه موندن سۉنگره آتیم نی

قدر قنده ی یازسه ـ ده یازسین او حیاتیم نی

آتدیم سېنی قلبیمدن ماضیگه قریشتیردیم

سنسیزلیک بیر حیاتگه اۉزیم نی کیریشتیردیم

چېکسین باشقه نازینگنی سن یۉلیمنی قۉیبیرگین

سن او کۉنگیل اۉینگگه باشقه سینی کویدیرگین

سېنینگ کۉنگیل اۉینگگه نی حضور بار نی راحت

تاش قلبلی یوره گینگگه حضورسیزلی بیر حیات

مېنیم قلبیم تاش اېمس سزله گن سۉزلرینگدن

سېندن کېلگن جفادن غم یېگن ایزلرینگدن

اېندی یانیمده یۉق سن اۉلدی او خاطره لر

 اۉیله مگین یشی من تازه دور یره لر

 

48 ـ یوز گللی بیر گلستان

 

قنده ی اۉتدی خبرسیز او گۉزل ییلریمیز

بعضاً گۉزل بعضاً یامان خاطره یۉلریمیز

هر آنیدن قۉیگن من ایکسیکسیز خاطره گه

دوداغلریمگه توزی ماضیدن سینه گه

گاهی کۉز یاشی بۉلدی گاهی لبگه بیر غزل

همه سی بۉلگینچه حیات بۉلیکن گۉزل

شو لحظه هم اېسیمگه قاره ساچلر توکیلگن

نازینگ بیلن سینمگه او عقلیمگه ایکیلگن

قنی او گۉزل کۉزلیم جنتلردن نوریم

چیچیکلی حیاتیمده او قوش مثالی حوریم

بیز که قوشلر مثالی کۉک یوزیگه اوچگن دیک

عشقنینگ آسمانیگه اوچیب شربت ایچگن دیک

من که حالا اولرنی اېسگه بېریب یشی من

سېن یۉق سن یانیمده غمگه کیریب یشی من

 

49 ـ یوز گللی بیر گلستان

 

ینه عشق قینه گن دېوانه دلدن

سوریب بیر آفتگه قینه گن یۉلدن

تیتره گن بو بدنگه بو دل فرماندار 

اۉزله گن او قوقوینگنی بۉلیب سېنگگه زار

ساچینگگه یوزینگگه قد زیبا کۉزینگگه

دل بېرگن بو یوره ک اۉرگیله ی دېب ایزینگگه

ییغله تکن بو جفا قان توکیب کۉزدن

رحم قیل بیر دانه م عشق دېگن ایزدن

قالگن من عشقینگگه سووسیز چۉلگه

لطف قیلگین بیر دانه م عشق دېگن یۉلگه

تیتره یدی بدنیم بو دل فرماندار 

اۉزله گن اېسینگنی بو دل بۉلیب زار

 

50 ـ یوز گللی بیر گلستان

 

کۉر قارانغلیکلریم آچیلگینچه، کولر دل گل کېلگینچه

سررره دی یوز بو یۉلگه، گلسیز بۉلسه دل بۉلگینچه

ییغله گن کۉزلریم دور یالغیز یالغیز بیر یوزگه

جان تورگن جانان اوچون قره ی دېب گۉزل کۉزگه

سری سری ساچلرگه باقیلگن بۉلگن بو دل

عشق سنجی سیدن تولگن گۉزل گل اوچون بلبل

بیر غریب یۉلچی بۉلگن بو دل آلگن عذاب نی

هم ییغله گن هم کولگن عشق اوچون بۉلیب آب نی

بو گل گه بیر قره سه کیم توره دی غوغاسیز؟

قوقولی ساچلری نی بیر اېسکه سه دعوا سیز؟

اگر او گل تورتمسه بو دل دردسیز بولر می؟

عشق چۉلیگه توشکن او ـ اوسیز بو دل کولر می؟

 

51 ـ یوز گللی بیر گلستان

 

بیر دفعه کۉردیک کۉریب اوپیشتیک

عشقدن قوقوی نی اوستگه سیپیشتیک

سیغمه دی دلگه او کون عشقیمیز

خوشلیگدن کېلگن دلگه ذوقیمیز

بیر کون می اېدی بېرگن دورانینگ؟

عشققه تشله گن او گل ریحانینگ؟

تۉیمه دن عشققه اَییردینگ بیزنی

کونگه سیغدیریب قۉیمه دینگ ایز نی

زمانسیز بۉلدی مونده ی اییریلک

اوستیمگه توشـدی مونده ی بویوک یوک

نیمه بۉله دی یوزگه قره سنگ

آقیرگن یاش نی کۉزگه قره سنگ

قیریلدی هر شی کېلمه ی کېله جک

سۉکیلدی دلدن کولمه ی کوله جک

اۉیله دیم کېلگن هیچ زمان کېتمس

عشققه کویدیریب اومېندن اۉتمس

او خیال بۉلدی کېلمه ی کېله جک

عشق یالغان بۉلدی اییریلیک گرچک

 

52 ـ یوز گللی بیر گلستان

 

کۉزیمگه جانلنیر اۉتکن او ماضی

سېوگلیم نیرده دیر کېلمه دی اۉزی

گناه یم نې اېدی اییریلدیک بیردن

ماضی گه بېریلدیم او گۉزل حوردن

افکاریم بیریکدی سیخمس ایچیمگه

من ستم ایتسم آز دیر بیچیمگه

ایچ دنیام ویران یاشلی کۉزلریم

بو دردگه تشدیم دردلی سۉزلریم

بیر خیال توفان اېسگن باشیمگه

قیرگن او مېنی او بار یاشیمگه

اېندی امیدلر بیگانه بۉلگن

او حور گۉزلدن غم کېلیب تولگن

 

53 ـ یوز گللی بیر گلستان

 

او گۉزل کۉزلرینگ له گپیر مېن له یار مېن له

سېنگه هرآن یقین من کۉکسیمده گی حس سېن له

مېن سېندن اوتالمه دیم باشقه سیگه کېتالمه دیم  

ایسته مسنگ ـ ده قل نی بو عشقدن قیتالمه دیم

سۉلمگن بیر چېچیک سن بو قلبگه بیر گرچک سن

سوسله بو دل نی عشق له عشق اوچون کېله جگ سن

بو دلگه الک سن کیردینگ خیاللرگه سن بېردینگ

دېوانه قیلدینگ مېنی هوشگه بو حال نی اوردینگ

بیر رویاگه توشگن من یۉلیم نی ییتیرگن من

ریحان اېسلی سن گلدن هر شی نی بیتیرگن من

بو دلگه سن بیر گل سن حیات اوچون سنبل سن

یا اۉلدیر یا قۉل له گین عشق اوچون بلبل سن